شعر وخواطر
عملاق منبر… الشاعر “سليمان الجوني” يُرثي “طليع حمدان” بكلمات شعريّة مؤثّرة
لمّن ابو شادي رحل قال المذيع
وعملاق منبر قفل سنينو وتكي
ضبضب غراضو الورد من بيت الربيع
وقلو نقلنا عالسما وغص البكي
ومن جهتي سمعت الخبر انو فظيع
وراكم عليي الذكريات وما شكي
من زغر سني كنت اركض عالسريع
جمع شرايط شعرك بهمة ذكي
وضليت اسمعها بهالعمر الوسيع
وعمرت حلمي عا شغفها مملكي
يا مرجعي يا لحن موسيقي بديع
صوتك بذاكرتي بتكتك تكتكي
سامع شعر منك بعمري يا طليع
اكتر ما سامع كنت من بيي حكي
